News Detail

युएस ओपन टेनिसको महिला एकलतर्फको उपाधि अमेरिकी खेलाडी स्लोआनी स्टेफेन्सलाई

भाद्र २५, २०७४

वर्षको अन्तिम ग्रान्डस्लाम युएस ओपन टेनिसको महिला एकलतर्फको उपाधि अमेरिकी खेलाडी स्लोआनी स्टेफेन्सले जितेकी छिन् । अमेरिकाको न्यूयोर्कमा भएको फाइनल खेलमा आफ्नै राष्ट्रकी म्याडिसन किजलाई हराउँदै स्टेफेन्सले करियरमा पहिलोपटक ग्रान्डस्लाम उपाधि जितेकी हुन् । पहिलोपटक ग्रान्डस्लाम फाइनल खेलिरहेका दुई अमेरिकी खेलाडीबीचको भिडन्तमा स्टेफेन्स ६–३ र ६–० को सोझो सेटमा विजयी भइन् । खुट्टाको चोटका कारण ११ महिना टेनिसबाट टाढा रहेकी स्टेफेन्सले गत विम्बल्डन टेनिसमार्फत् कोर्ट पुनरागमन गरेकी थिइन् । युएस ओपनको उपाधि जितेसँगै स्टेफेन्टस सन् २००२ यता विलियम्स परिवारभन्दा बाहिरबाट युएस ओपन जित्ने पहिलो खेलाडी बनेकी छन् । सन् २००२ मा जेनिफर क्याप्रियाटीले यो उपाधि जितेकी थिइन् । युएस ओपन टेनिसको पुरुष एकलतर्फको उपाधिका लागि दावेदार रफाइल नदाल र दक्षिण अफ्रिकी खेलाडी केभिन एन्डर्सन भिड्नेछन् ।

Related News

प्रतिकृया दिनुहोस